اسئله تخنق بس تموت من الضحك

فى اسئله بديهيه ملهاش اى لزمه فى الدنيا بنتعرض ليها كل يوم من كل الناس
خلونا نشوف امثله
انت فى اوضتك على السرير وطافى النور ومتغطى
يجيى اخوك الظريف ويفتح الباب عليك وينور والنور ويقولك / ايه ده انت هتنام ولا ايه ؟
(( اظن ده مش وضع الرقص !!! واضح ان انا هنام ))

انتوا معزومين عند ناس ورحتوا لبيتهم واول ما فتحولكم الباب ابنهم الصغير الرخم يقولكم |انتوا جيتوااااااا؟
((لا لسه فى الطريق ))

انت متشيك ومتانتك ولابس الحته الى على الحبل وعلى سنجه عشره وريحه البرفان واصله لاخر الشارع وخلاص بتفتح باب الشقه ويجى حد من اهلك وينادى بصوت عالى /انت خارررررج ولا ايه ؟
((لا دا انا لسه راجع !!! خلاص يعنى اتعميت ولا زم تفضحنى ))

او مثلا راكب العربيه وخلاص هتطلع ... يجيلك البواب ويخبطلك على الازاز وانت بكل زوق تفتح الازاز وتقوله /خير فى ايه ؟
يقولك رايح الشغل يابيه ؟
((لا العربيه وحشانى )) بس ده لو فى عربيه اصلا

ومثلا ماسك التليفون وبتغط على الارقام ويجى حد من اهلك يسالك انت هتتكلم فى التليفون ولا ايه ؟
((لا بتفرج عليه ))

ومثلا ماسك كتاب وقاعد تحفظ ومتحمس (اول مره بقى .. دا نادرا طبعا ) جه حد وقالك ها قاعد تزاكر ولا بتتفرج على الكتاب ؟
((تقوم رامى الكتاب وتقوله لااااااااء))

ماسك يبحه كده وربنا هديك وعمال تسبح ... يجى واحد من البيت يعدى عليك ويقولك انت هتسبح ؟
((لا هفرطها وابعترها ))

ولا تعالو بقى شوفوا قنواتنا واسئلتها الى بتدل على الذكاء
برنامج اهداءات يتصل واحد يطلب اغنيه
ترد عليه ست الكتكوته ( المزيعه )بكل خفه ... انت بتحب الاغنيه دى ولا ايه ؟
((لا طالبها عشان اخنق نفسى بيها ))

ويسلام بقى على الشلل الكبير ... لما المزيعيين يكلموا الاطفال
يقول المزيع للطفل ... انت بتحب بابا وماما ؟
((يعنى الواد لسه مطلعلوش عرق النداله عشان يقول لا يعنى ))


(((( يارب تكون عجبتكم ومستنيه الرد )))

ههههههههه
عجبتنى الاسئله دى والله وظريفه وبتحصل كتيرررررر
ومرسى ياشهد على الموضوع ده